មេចោរលួចម្នាក់អស់លក្ខណ៍ជាប់អន្ទាក់សមត្ថកិច្ច
15-May-2016 | ដោយ មែន កំសត់
ត្បូងឃ្មុំ ៖ មេចោរលួចយ៉ាងសកម្មម្នាក់អស់លក្ខណ៍ ត្រូវបានសមត្ថកិច្ចនគរបាល ក្រុងសួង សហការជាមួយកម្លាំងអធិការដ្ឋាននគរបាលស្រុកមេមត់ធ្វើការឃាត់ខ្លួននៅ វេលាម៉ោង១១ព្រឹកថ្ងៃទី១៣ ខែឧសភា ឆ្នាំ២០១៦។
ជនសង្ស័យខាងលើមានឈ្មោះម៉េត ចំរើន ហៅខ្មៅ ភេទប្រុស អាយុ២៧ឆ្នាំ រស់នៅភូមិកំពៃ ឃុំរំចេក ស្រុកមេមត់ ខេត្តត្បូងឃ្មុំ ទើបចេញពីពន្ធនាគារ កាលពីឆ្នាំ២០១៣ និងកន្លងមកបានប្រព្រឹត្តបទល្មើសដូចខាងក្រោម៖
-មានដីកាបង្គាប់ឲ្យចាប់ខ្លួន លេខ៥៣៤ ព.ស របស់តុលាការខេត្តកំពង់ចាម ពីបទៈ លួច កាលពីថ្ងៃទី២៩- ១០-២០១៣ នៅស្រុកពញាក្រែក ខេត្តកំពុងចាម-មានសំណុំរឿងសេសសល់លើករណី លួច ម៉ូតូស៊េរី២០០៨ នៅស្រុកក្រូចឆ្មារ-ជាមុខសញ្ញាកំពុងគ្រប់គ្រងក្នុងបញ្ជីលើករណីលួចកន្លងមកនៅស្រុកមេមត់ ផងដែរ។
បច្ចុប្បន្នជនសង្ស័យត្រូវបានឃាត់ខ្លួន រួមជាមួយវត្ថុតាងម៉ូតូចំនួន០២គ្រឿង នៅអធិការដ្ឋាននគរបាលក្រុងសួង។
ក្រោយពីការចាប់ខ្លួនមេចោរលួច ដោយដកហូតវត្ថុតាងខាងលើនោះ សមត្ថកិច្ចខេត្តត្បូងឃ្មុំក៏បានអំពាវនាវដល់ប្រជាពលរដ្ឋ ដែលបានបាត់ម៉ូតូកន្លងមក សូមទំនាក់ទំនងមកកាន់ស្នងការដ្ឋាននគរបាលខេត្តត្បូងឃ្មុំ (ភ្ជាប់ជាមួយឯកសារដែលពាក់ព័ន្ធ)៕
ចំនួនអ្នកទស្សនា
- ថ្ងៃនេះ7761
- ម្សិលមិញ20231
- សប្តាហ៍នេះ86841
- ខែនេះ108721
- ឆ្នាំនេះ108721
- សរុប20551177